Mkusanyiko wa nusu-kawaida wa wasanidi wakuu wa Ethereum kutoka timu mbalimbali za wateja, au mwingiliano (interop), ulifanyika hivi karibuni huko Svalbard, Norway. Katika tukio hilo la wiki nzima, timu zililenga katika kuimarisha na kujiandaa kwa uboreshaji unaofuata, Glamsterdam.
Hatua kadhaa muhimu zilifikiwa katika wiki hiyo, ikiwa ni pamoja na:
- Kiwango cha chini cha kikomo cha gesi cha 200M kimeanzishwa: Lengo la kuaminika la baada ya Glamsterdam linalotokana na muunganiko wa ePBS, uboreshaji wa BAL, na upangaji upya wa bei wa EIP-8037
- ePBS imeimarishwa: Mtandao wa wasanidi wa Glamsterdam (Glamsterdam-devnet) wa wateja wengi unaoendeshwa na mfumo wa wajenzi wa nje umejaribiwa kuanzia mwanzo hadi mwisho kwenye karibu wateja wote
- EIP-8037 imekamilishwa: Gharama isiyobadilika ya cost_per_state_byte imepitishwa; nambari kamili za upangaji upya wa bei ziliwasilishwa kufikia Ijumaa kwenye bal-devnet-6
- Msingi wa Hegotá umewekwa: Mifano ya awali ya FOCIL inafanya kazi; mahitaji ya asili ya AA yalibainishwa; mtandao wa wasanidi wa wateja wengi ndiyo hatua inayofuata mara moja
Mwingiliano huo pia uliashiria kuanza kwa mabadiliko ya uongozi kwa kundi la Itifaki la Taasisi ya Ethereum.
Waratibu wapya wa kundi watakuwa:
- Will Corcoran
- Kev Wedderburn
- Fredrik
Mabadiliko ya timu
Katika mwaka uliopita tangu kutangazwa kwa Kundi la Itifaki, Barnabé Monnot, Tim Beiko, na Alex Stokes wametoa mchango mkubwa sana kwa mfumo wa ikolojia kupitia uongozi wao.
Ingawa Barnabé na Tim wanaondoka kwenye Taasisi ya Ethereum hivi karibuni na Alex Stokes atakuwa kwenye likizo ya mapumziko, kundi la Itifaki kama lilivyo leo linatokana kwa kiasi kikubwa na kazi yao. Chini ya uratibu wao, Itifaki ilizindua mikondo, na kusaidia kupeleka Fusaka kwenye Mtandao Mkuu mnamo Desemba 2025, ikitambulisha PeerDAS na kuongeza kikomo cha gesi cha Mtandao Mkuu katika njia ya kuelekea 200M na zaidi.
Tim, Barnabé, na Alex waliunda Itifaki kwa njia ambazo zitadumu zaidi ya muda wao kama waratibu wa kundi. Tunashukuru, na tunatazamia kile ambacho kila mmoja wao atafanya baadaye.
Kuhusu Waratibu wapya wa Kundi la Itifaki
Mabadiliko haya ya timu tayari yanaendelea. Kwenye Interop, kulikuwa na mazungumzo kadhaa ya papo hapo na mikutano ya kimkakati kati ya vikundi vinavyoingia na vinavyoondoka, mazingira kamili ya kuanza mabadiliko haya bila kuvuruga uimarishaji na upelekaji wa Glamsterdam. Zaidi kuhusu Waratibu wapya wa Kundi la Itifaki:
Will Corcoran. Will ni Mratibu wa Utafiti ndani ya Itifaki, akiwa na uelewa mpana unaovuka timu na makundi kupitia kazi yake kwenye uthibitishaji wa zkVM, mwafaka wa baada ya kwanta, na Kanuni ya Uthibitishaji wa Haraka. Amewezesha simu nyingi za jamii, vyumba vya majadiliano, na matukio ya ana kwa ana ya itifaki, na kumpa uelewa wa kiutendaji wa jinsi juhudi za Itifaki zinavyoungana.
Kev Wedderburn. Kev anaongoza timu ya zkEVM na analeta utaalamu wa kina katika makutano ya utafiti na uhandisi, pamoja na mbinu ya kanuni za msingi katika kufanya maamuzi ya kiufundi.
Fredrik. Fredrik anaongoza Usalama wa Itifaki, mradi wa Usalama wa Dola Trilioni, na amehusika sana katika kazi zinazovuka makundi.
Nini cha kutarajia
Lengo la haraka ni kupeleka Glamsterdam, kuendelea na maandalizi ya Hegotà, na kuendeleza Strawmap.
Mitandao ya wasanidi ya Glamsterdam sasa iko hewani, na ubainishaji wa Hegotà unaendelea vizuri huku FOCIL ikipangwa kujumuishwa kama kipengele kikuu upande wa CL. Kaa mkao wa kula kwa masasisho zaidi ya kundi la Itifaki kutoka kwa Will, Kev, na Fredrik katika wiki zijazo!